കൊഴിഞ്ഞാമ്പാറ: കുടുംബ പരാധീനതക്കിടയിലും ചിത്രകലയുമായി മുന്നേറുന്ന വിദ്യാർഥിനി അഫ്സ്താനയ്ക്കു ഡ്രോയിംഗ് ബോർഡു സമ്മാനമായി നൽകി പൊതുപ്രവർത്തകൻ കണ്ണൻ.
വീട്ടിലെത്തി ബോർഡും അനുബന്ധ സാമഗ്രികളും കൈമാറി. അഫ്സ്താനയുടെ ചിത്രകലാ അഭിരുചിയെക്കുറിച്ചും ആവശ്യങ്ങളെക്കുറിച്ചും കഴിഞ്ഞ ദിവസം ദീപിക വാർത്ത പ്രസിദ്ധീകരിച്ചിരുന്നു. തുടർന്നാണ് കണ്ണന്റെ സഹായഹസ്തമെത്തിയത്. ചുമരുകളിലും പുസ്തകങ്ങളിലുമായി അഫ്സ്താന വരച്ച നൂറുകണക്കിനു ചിത്രങ്ങൾ സമീവവാസികളും അങ്ങനെ ആദ്യമായി നേരിൽകണ്ടു. ചള്ളപ്പാതയിൽ പള്ളിക്കുസമീപം വാടകവീട്ടിലാണ് അഫ്സ്താനയുടെയും കുടുംബത്തിന്റെയും താമസം.